तुळजाभवानी महाविद्यालयात माजी विद्यार्थी मेळाव्याचे आयोजन
तुळजापूर/ प्रतिनिधी
तुळजापूर येथील श्री. स्वामी विवेकानंद शिक्षण संस्था, कोल्हापूर संचलित तुळजाभवानी महाविद्यालय तुळजापूर येथे रविवार (दि.6 जानेवारी) रोजी सकाळी ठिक 10 वाजता माजी विद्यार्थ्यांचा स्नेह मेळावा आयोजित करण्यात आला आहे. तुळजापूर नगरी ही भक्ती क्षेञातील पविञ नगरी मानली जाते. तुळजापूर हे संस्कृतीचे व संस्कारांचे आगार आहे, अशा या पावन भूमित 1971 साली शिक्षणमहर्षी डॉ.बापूजी साळुंखे यांनी तुळजाभवानी महाविद्यालयाची स्थापना करुन, मराठवाड्याच्या शिक्षण क्षेञाला एक सकारात्मक शैक्षणिक मार्ग दाखविला, आजमितिला अनेक विद्यार्थी या महाविद्यालयातुन यशस्वीरीत्या बाहेर पडले. यासाठीच या महाविद्यालयाच्या माजी विद्यार्थ्यांच्या आठवणींना उजाळा मिळावा, आजी-माजी विद्यार्थ्यांमध्ये करिअरविषयक देवाण-घेवाण व्हावी, हाच उद्देश या स्नेह मेळाव्याचा असल्याचे व महाविद्यालयाच्या 1971 पासुनच्या सर्व माजी विद्यार्थ्यांनी या स्तुत्य उपक्रमास उपस्थित रहाण्याचे आवाहन महाविद्यालयाचे प्राचार्य डॉ.एस.एम.मणेर यांंनी केले आहे.
(उस्मानाबाद जिल्ह्यासह महाराष्ट्रात लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)
कोणत्याही टिप्पण्या नाहीत:
टिप्पणी पोस्ट करा