2
“ उस्मानाबाद जिल्हयात वाहतुकीच्या नियमांचे उल्लंघन करणाऱ्या 132 लोकांवर कारवाई ”
उस्मानाबाद जिल्हा :- दिनांक 18/01/2019 रोजी एका दिवसामध्ये उस्मानाबाद जिल्हयातील 18 पोलीस स्टेशन अंतर्गत व वाहतुक शाखा उस्मानाबाद येथील अधिकारी / कर्मचारी यांनी वाहतुकीचे नियम मोडणाऱ्या वाहन चालकाविरुध्द मोटार वाहन कायद्याच्या कलमा नुसार एकूण 132 केसेस केलेल्या आहेत. त्यापोटी 28 हजार 300 रुपये एवढा दंड वसूल करण्यात आला आहे.
“ दगड धानोरा शिवारात महिलेचा विनयभंग करून मारहान गुन्हा दाखल ”
पोलीस स्टेशन उमरगा :- दिनांक 17/01/2019 रोजी 18.00 वा.सु.यातील फिर्यादी हे व त्यांची पत्नी, आई असे त्यांचे शेतात काम करीत असताना शेत शेजारी 1) योगेश माधव कदम याने फिर्यादी यांचे पत्नीचे अंगावर येवून तुझा नवरा कुठे गेला आहे. म्हणून तिचे पोटात लाथ मारून विनयभंग केला. तेव्हा फिर्यादी यांची आई सोडविण्यास गेली असता 2) माधव कदम याने त्यांचे कोपरास दगडाने मारून दुखापत केली त्यावेळी फिर्यादी हे गोंधळ ऐकून खालच्या शेतातून तेथे आले असता योगेश माधव कदम याने त्यांचे हाताला, मनगटाला चावून दुखापत केली व दगड हातात घेवून मारून मुकामार दिला व जिवे मारण्याची धमकी दिली. म्हणून फिर्यादी यांचे फिर्यादवरुन 1) योगेश माधव कदम 2) माधव कदम यांचे विरुध्द दिनांक 18/01/2019 रोजी पोलीस स्टेशन उमरगा येथे भादंविचे कलम 324,354(ब),506,34 प्रमाणे गुन्हा दाखल करण्यात आला आहे.
“ अल्पवयीन मुलीचा लैंगीक छळ ”
पोलीस स्टेशन लोहारा :- 2013 ते 2018 या कालावधीत लोहारा तालुक्यातील मौजे हराळी येथील एका शैक्षणीक संस्थेमधील एक अल्पवयीन मुलीचा तिच्या अज्ञानाचा व तिच्या न वाढलेल्या बौध्दीक क्षमतेचा गैर फायदा घेवून सदर संस्थे मध्ये काम करणारे विक्रम काजळे , सुयश जोशी, जयराम मोरे, नागनाथ कोकाटे, दत्ता जमदाडे, विजय तोडकर, यांनी तिच्या ईच्छेविरुध्द तिचे सोबत वरील कालावधीत लैंगीक छळ केलेने, त्यांचे विरुध्द दिनांक 17/01/2019 रोजी पोलीस स्टेशन लोहारा येथे भादंविचे कलम 376,377,376(2)(एन), 376(2)(डी),376 (एफ) सह बालकांचे लैंगिक अत्याचारापासून संरक्षण अधिनियम 2012 चे कलम 3,4,5(सी),5(डी), 5(एफ),5(आय), 6,7,8,12,11(3),11(4) ,11(6) प्रमाणे गुन्हा दाखल करण्यात आला असून सदर गुन्हयामध्ये आरोपी नामे 1) सुयेश माधवराव जोशी वय 24 वर्षे ,रा. बलसुर ह. मु. हराळी, 2) जयराम गजेंद्र मोरे, वय 29 वर्षे, रा. तिर्थ बुद्रक ता. तुळजापुर 3) नागनाथ रंगनाथ कोकाटे वय 58 रा. कुमटे ता. उत्तर सोलापुर. ह.मु. हराळी ता. लोहारा 4) दत्तात्रय सुयेश जमदाळे वय 28 वर्षे , रा. दौंड जि. पुणे ह.मु. हराळी ता. लोहारा 5) विजय श्रीमंत तोरडकर वय 44 वर्षे रा. उमरगा ह.मु. हराळी ता. लोहारा यांना दिनांक 18.01.19 रोजी अटक करण्यात आली असुन त्यांची तपास कामी मा. अपर सत्र न्यायाधीश उमरगा यांनी 7 दिवसाची पोलीस कोठडी रिमांड मंजुर केली आहे तसेच 6) आरोपी नामे विक्रम काजळे रा. हराळी हा फरार असुन त्याचा शोध घेणे कामी पोलीसांचे विशेष पथक इतरत्र जिल्हात व परिसरात पाठविण्यात आले आहे. सदर गुन्हयाचा तपास उपविभागीय पोलीस अधिकारी उमरगा श्री आर.आर. धस हे करीत आहेत.
3
“ इंदापुर ते वाशी रोडवर मोटारसायकलच्या अपघातात एक महिला मयत ”
पोलीस स्टेशन वाशी :- दिनांक 27.12.18 रोजी तानाजी अर्जुन गपाट रा. इंदापुर ता. वाशी याने त्याचे ताब्यातील मोटारसायकल क्र एम एच 25 ए एन 7710 ही हयगईने व निष्काळजीपणे चालवुन खडीचे टेकावर घातल्याने मोटारसायकलवर पाठीमागे बसलेली विनोद दत्तु गपाट यांची आई सुकमल दत्तु गपाट वय 45 रा. इंदापुर ता. वाशी यांना गाडीवरुन खाली पाडुन त्यांना गंभीर जखमी करुन त्यांचे मरणास कारणीभुत झाला आहे. म्हणुन विनोद दत्तु गपाट रा. इंदापुर ता वाशी जि. उस्मानाबाद यांचे फिर्यादवरुन तानाजी अर्जुन गपाट याचे विरुध्द दिनांक 18.01.19 रोजी पोलीस स्टेशन वाशी येथे भादंविचे कलम 279,338,304(अ) प्रमाणे गुन्हा नोंद करण्यात आला आहे.
“ मौजे किलज येथे भांडण सोडविण्यास गेलेल्या इसमास मारहान गुन्हा दाखल ”
पोलीस स्टेशन नळदुर्ग :- दिनांक 13.01.19 रोजी 22.00 वा. सु. मौजे किलज येथे राहुल शांतीर काळेगावकर रा. किलज ता. तुळजापुर जि. उस्मानाबाद हे बोर चालु करण्यासाठी जात असताना राहुन काळेगावकर यांचे मामा रमेश व 1) राम महादेव गिरी 2) आबा राम गिरी रा. किलज ता. तुळजापुर जि. उस्मानाबाद यांचेत आपआपसात भांडणे चालु होती त्यावेळेस राहुल काळेगावकर हे भांडण सोडवण्यास गेले असता 1) राम महादेव गिरी यांनी संगनमत करुन तु मध्ये कशाला आलास असे म्हणुन शिवीगाळ करुन लाथाबुक्याने मारहान केली व 2) आबा राम गिरी याने राहुल यास दगडाने मारुन जखमी केले म्हणुन राहुल शांतीर काळेगावकर यांचे फिर्यादवरुन वरील आरोपीतांविरुध्द दिनांक 18.01.19 रोजी पोलीस स्टेशन नळदुर्ग येथे भादंविचे कलम 325,323,504,34 प्रमाणे गुन्हा नोंद करण्यात आला आहे.
“ उस्मानाबाद येथे किरकोळ कारणावरुन मारहान गुन्हा दाखल ”
पोलीस स्टेशन आनंदनगर :- दिनांक 18.01.19 रोजी 12.30 वा. सु. समता माध्यमिक विद्यालय उंबरे कोळा समोर उस्मानाबाद येथे फिर्यादी यांचा मुलगा संग्राम विष्णु इंगळे हा शाळा सुटल्यानंतर बाहेर आल्यानंतर 1) मुकेश शिंदे 2) ऋषिकेश शिंदे दोघे रा. शिंगोली ता. जि. उस्मानाबाद 3) अनमेश सोनकवडे 4) अजिंक्य मुंडे दोघे रा. उस्मानाबाद यांनी संगनमत करुन संग्राम यास मोसावर बस म्हणुन गालात चापटा मारुन शिवीगाळ केली व मुकेश शिंदे याने संग्राम याचे कपाळावर, पाठीवर बांबुने मारुन मुक्का मार देवुन जिवे मारण्याची धमकी दिली म्हणुन फिर्यादी महिलेच्या फिर्यादवरुन वरील आरोपीतांविरुध्द दिनांक 18.01.19 रोजी पोलीस स्टेशन आनंदनगर येथे भादंविचे कलम 324,323,504,506,34. प्रमाणे गुन्हा नोंद करण्यात आला आहे.
“ मौजे निलेगाव येथे महिलेचा विनयभंग गुन्हा नोंद ”
पोलीस स्टेशन नळदुर्ग :- दिनांक 17.01.19 रोजी 12.00 वा. सु. मौजे निलेगाव येथे विलास वसंतराव देशमुख रा. निलेगाव ता. तुळजापुर जि. उस्मानाबाद हा चड्डीवर लज्जा वाटेल असे फिरत असताना पिडीत महिलेने त्यास तुम्ही चड्डीवर का फिरता असे म्हणाल्यावर विलास देशमुख याने पिडीत फिर्यादी महिलेस शिवीगाळ करुन, टक लावुन वाईट नजरेने पाहुन पाठलाग केला व विनयभंग केला म्हणुन पिडीत महिलेचे फिर्यादवरुन विलास वसंतराव देशमुख याचे विरुध्द दिनांक 18.01.19 रोजी पोलीस स्टेशन नळदुर्ग येथे भादंविचे कलम 354(अ),509,504. प्रमाणे गुन्हा नोंद करण्यात आला आहे.
4
“ मौजे आचलेर येथे पैसे देण्या-घेण्याचे कारणावरुन मारहान गुन्हा नोंद ”
पोलीस स्टेशन मुरुम :- दिनांक 18.01.19 रोजी 20.00 वा. सु. मौजे आचलेर ता. लोहारा येथे किरण बाळु राठोड रा. आचलेर ता. लोहारा जि. उस्मानाबाद हा त्यांचे घरासमोर थांबले असता 1) संतोष शंकर बंदीछोडे 2) सचिन आप्पास सोनटकले दोघे रा. आचलेर तांडा ता. लोहारा जि. उस्मानाबाद यांनी संगनमत करुन पैसे देण्याघेण्याचे कारणावरुन किरण राठोड व सुनिल लोकु पवार रा. आचलेर तांडा यांना शिवीगाळ करुन काठीने व दगडाने मारुन जखमी केले तसचे लाथाबुक्याने मारहान करुन जिवे मारण्याची धमकी दिली म्हणुन किरण बाळु राठोड यांचे फिर्यादवरुन 1) संतोष शंकर बंदीछोडे 2) सचिन आप्पास सोनटकले यांचे विरुध्द दिनांक 18.01.19 रोजी पोलीस स्टेशन मुरुम येथे भा.दं.वि.चे कलम 324,323,504,506,34. प्रमाणे गुन्हा नोंद करण्यात आला आहे.
“ वाहतुकीस अडथळा निर्माण करणाऱ्यांवर कारवाई ”
पोलीस स्टेशन आनंदनगर :- दिनांक 19.01.19 रोजी 14.40 वा. सु. बसस्थानक इनगेटसमोर उस्मानाबाद येथे 1) अजिंक्य अंकुश तनमोर रा. उस्मानाबाद याने त्याचे ताब्यातील रिक्षा क्र एम एच 25 ए. के. 0578, 2) आकाश नवनाथ शिंगाडे रा.भिमनगर उस्मानाबाद याने त्याचे ताब्यातील रिक्षा क्र. एमएच. 25 ए.बी. 5557, 3) रविंद्र शामराव आडे रा. शिंगोली तांडा उस्मानाबाद याने त्याचे ताब्यातील रिक्षा क्र. एमएच. 25 ए.के. 0267 वरील रिक्षा चालक यांनी त्याचे ताब्यातील रिक्षा सार्वजनिक रस्त्यावर रहदारीस अडथळा निर्माण होईल व इतर वाहनांना वाहन चालवण्यास धोका निर्माण होईल अशा परिस्थितीत रिक्षा लावलेला मिळुन आला म्हणुन त्यांचे विरुध्द दिनांक 19.01.19 रोजी पोलीस स्टेशन आनंदनगर येथे भा.दं.वि.चे कलम 283 प्रमाणे गुन्हा नोंद करण्यात आला आहे.
पोलीस स्टेशन उमरगा :- दिनांक 18.01.19 रोजी 20.15 वा.सु. एनएच 65 रोडवर उमरगा येथे वसीमपाशा कादरसाब मुजावर रा. गुंजोटी ता. उमरगा याने त्याचे ताब्यातील मॅजीक टेम्पो क्र एम ए च 25 आर 7472 हा सार्वजनिक रोडवर येणारे जाणारे लोकांना तसेच वाहनांना अडथळ होईल अशा ठिकाणी धोकादायक स्थितीत उभा केलेला मिळुन आला म्हणुन त्याचे विरुध्द दिनांक 18.01.19 रोजी पोलीस स्टेशन उमरगा येथे भा.दं.वि.चे कलम 283 प्रमाणे गुन्हा नोंद करण्यात आला आहे.
पोलीस स्टेशन उस्मानाबाद (शहर) :- दिनांक 18.01.19 रोजी13.00 वा सु. बार्शी नाका उस्मानाबाद येथे रोडवर 1) मोहसीन अशकरी खतीब रा. इदगाह नगर शिराढोण ता. कळंब याने त्याचे ताब्यातील टेम्पो क्र एम एच 13 जी. 0808 , नेहरु चौक उस्मानाबाद येथे 2) विष्णु गोपिनाथ गवळी रा.नेहरू चौक उस्मानाबाद याने त्याचे ताब्यातील टेम्पो क्र. एम.एच. 25 पी. 2491 , देशपांडे स्टॅंन्ड भाजी मंडई जवळ उस्मानाबाद येथे 3) संतोष विठ्ठल डुकरे रा.सकनेवाडी ता.जि.उस्मानाबाद याने त्याचे ताब्यातील टेम्पो क्र. एम.एच. 25 पी. 4201. माऊली चौक उस्मानाबाद येथे 4) सलीम सत्तार शेख रा. देशपांडे स्डॅुन्ड भाजी मंडई उस्मानाबाद याने त्याचे ताब्यातील टेम्पो क्र एम एच 25 पी 1688 वरिल टेम्पो चालक यांनी त्यांचे ताब्यातील टेम्पो वरिल ठिकाणी सार्वजनिक रोडवर येणारे जाणारे लोकांना तसेच वाहनांना अडथळ होईल अशा ठिकाणी धोकादायक स्थितीत उभा केलेला मिळुन आला म्हणुन त्याचे विरुध्द दिनांक 18.01.19 रोजी पोलीस स्टेशन उस्मानाबाद (शहर) येथे भादंविचे कलम 283 प्रमाणे गुन्हा नोंद करण्यात आला आहे.
पोलीस स्टेशन भुम :- दिनांक 19.01.19 रोजी 13.30 वा. सु. तहसील कार्यालय समोर भुम येथे आरोपीत महिला हिने तीचे ताब्यातील भेळ विक्रीचा गाडा रहदारीस अडथळा होवुन अपघात होवुन जिवीत हानी होईल अशा स्थितीत उभा करुन भेळ विक्री व्यवसाय करीत असताना मिळुन आली म्हणुन तिचे विरुध्द दिनांक 19.01.19 रोजी पोलीस स्टेशन भुम येथे भादंविचे कलम 283 प्रमाणे गुन्हा नोंद करण्यात आला आहे.
5
पोलीस स्टेशन तामलवाडी :- दिनांक 19.01.19 रोजी 13.20 वा. सु. एन एच 52 रोडवर तामलवाडी शिवारातील टोलनाक्याचे दक्षिण बाजुस अंदाजे 500 फुट अंतरावर मुस्तफा दाऊद शेख रा. शिवगंगा नगर सोलापुर याने त्याचे ताब्यातील टाटा कंपनीचा छोटा हाती क्र एम एच 13 सी जे 0593 या वाहनामध्ये पाठीमागे फाळका उघडा ठेवुन आत मध्ये 6 लोखंडी गोदरेज कपाट व त्यावरती 2 लोखंडी कपाट असे एकुण 8 लोखंडी कपाट लोकांचे जिवीतास धोका निर्माण होईल अशा स्थितीत वाहतुक करीत असताना मिळुन आला म्हणुन त्याच्या विरुध्द दिनांक 19.01.19 रोजी पोलीस स्टेशन तामलवाडी येथे भा.दं.वि.चे कलम 283 प्रमाणे गुन्हा नोंद करण्यात आला आहे.
“ महादेववाडी पाटी येथे भरधाव वेगात वाहन चालविणाऱ्यावर कारवाई ”
पोलीस स्टेशन बेंबळी :- दिनांक 18.01.19 रोजी 12.15 वा. सु. महादेववाडी पाटी येथे मोहमंद इस्माईल शेख रा. उजणी ता. औसा जि. लातुर याने त्याचे ताब्यातील तीन चाकी टमटम क्र एम.एच 25 एन 528 हा रस्त्याचे परिस्थितीचे भान न ठेवता वेगात, हयगईने व निष्काळजीपणे चालवित असताना मिळुन आला म्हणुन त्याचे विरुध्द दिनांक 18.01.19 रोजी पोलीस स्टेशन बेंबळी येथे भादंविचे कलम 279 प्रमाणे गुन्हा दाखल करण्यात आला आहे.
“ अज्ञात व्यक्तीच्या मानवी सांगाडयाचा शोध ”
पोलीस स्टेशन उस्मानाबाद (ग्रामीण) :- दिनांक 16.01.19 रोजी 10.00 वा.पुर्वी उस्मानाबाद तालूक्यातील पिंपरी शिवारातील जंगलामध्ये नक्की तारीख वेळ समजून येत नाही. असा एक मानवी सांगाडा आढळून आल्याची खबर संतोष भिमराव माळी पोलीस पाटील पिंपरी ता.जि.उस्मानाबाद यांनी दिनांक 16/01/2019 रोजी खबर दिल्याने पोलीस ठाणे उस्मानाबाद (ग्रामीण) येथे अकस्मात मृत्यू क्रं. 2/19 कलम 174 सी.आर.पी.सी. प्रमाणे दाखल आहे. एक मानवी सांगाडा असुन सांगाडयाची हाडे कुरतडलेली मिळुन आली आहेत . सदरचा सांगाड हा स्र्‍ि किंवा पुरुष जातीचा आहे असा समजुन येत नाही. त्याचे वय समजुन आले नाही. घटनास्थळी अर्धवट जळालेला निळया रंगाचा जिन्स पँन्टचा तुकडा, लाल रंगाचा कमरेचा करदोडा, VKS pride कंपनीची 10 नंबरची चप्पल , कांदयाचे पिकावर फवारण्याचे tag globe कंपनीचे विषारी औषधाची बाटली टुबर्ग कंपनीची फुटलेली बिअरची बाटली व अर्धवट जळालेले पॉकेट व पॉकेट मध्ये अर्धवट जळालेली डायरी डायरी मधील एका पानावर इंग्रजी मध्ये A J ARUN असे लिहलेल्या वर्णनाचे साहित्य मिळुन आले आहे.
तरी आपले परिचयाचे किंवा नातेवाईक स्र्‍ी अथवा पुरूष जातीचा इसम हरवलेला असेल अथवा किडनॅप केलेला असेल तर पो.स्टे.उस्मानाबाद (ग्रामीण) ता.जि.उस्मानाबाद यांचेशी संपर्क साधणे बाबत सहायक पोलीस निरीक्षक उस्मानाबाद (ग्रामीण) यांनी आवाहन केले आहे. त्यांचा संपर्क क्र. 7620922988 , 73505334100 तसेच पोलीस स्टेशन उस्मानाबाद (ग्रामीण) फोन नं. 02472-223303 असा आहे.
6
“ उस्मानाबाद येथे बस (एस.टी.) भरधाव वेगात चालवुन नुकसान केलेवरुन गुन्हा नोंद ”
पोलीस स्टेशन आनंदनगर :- दिनांक 18.01.19 रोजी 13.00 ते 13.30 वा. सु. बस क्र एम एच 14 बी. टी. 2069 वरील चालकाने त्याचे ताब्यातील बस (एस.टी.) ही अतिवेगात हयगईने व निष्काळजीपणे चालवुन सुनिल चांगदेव मिसाळ यांचे छत्रपती संभाजीराजे चौपाटी उस्मानाबाद येथील थंडा मामला कोल्डींग सेंटर या दुकानात बस घालुन दुकानातील सामानाचे एकुण 3,22,500/-रु. चे मालाचे नुकसान केले आहे. म्हणुन सुनिल चांगदेव मिसाळ यांचे फिर्यादवरुन बस क्र एम एच 14 बी टी 2069 च्या चालकाचे विरुध्द दिनांक 18.01.19 रोजी पोलीस स्टेशन आनंदनगर येथे भादंविचे कलम 279,427 प्रमाणे गुन्हा नोंद करण्यात आला आहे.
(उस्मानाबाद जिल्ह्यासह महाराष्ट्रात लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)
कोणत्याही टिप्पण्‍या नाहीत:
टिप्पणी पोस्ट करा