रविवारी नळदूर्ग येथे धनगर समाजाचे युवा नेते गोपीचंद पडळकर यांची शासनाच्या विरोधात तोफ धडाडणार आयोजकांकडून सभेची जय्यत तयारी

रविवारी  नळदूर्ग येथे धनगर  समाजाचे युवा 

नेते गोपीचंद पडळकर यांची शासनाच्या विरोधात तोफ धडाडणार 

आयोजकांकडून सभेची जय्यत तयारी 

नळदुर्ग/प्रतिनिधी

सकल धनगर समाज तुळजापूर तालुक्याच्यावतीने दि.20 जानेवारी रोजी दुपारी 4 वा. नळदूर्ग येथील कला विज्ञान व वाणिज्य महाविद्यालयाच्या मैदानावर धनगर समाजाचे युवानेते व धनगर आरक्षणाचे गाढे अभ्यासक गोपीचंद पडळकर व उत्तमराव जानकर यांची जाहिर सभा व त्यांच्या उपस्थितीत धनगर समाजाचा मेळावा आयोजीत करण्यात आला आहे. याची सर्व तयारी पूर्ण झाली असून या सभेची उत्सुकता सर्वानाच लागली आहे व धनगर समाजाचा आरक्षणाचा प्रश्न गेली अनेक वर्षे शासन दरबारी रेंगाळत पडला आहे आतापर्यंतच्या सर्वच राज्यकर्त्यांनी धनगर समाजाला आरक्षणाच्या संदर्भात केवळ अश्वासनावरच झुलत ठेवले आहे भाजपासह काँग्रेस व राष्ट्रवादी काँग्रेसने राज्यातील धनगर समाजाची आरक्षणाच्या बाबतीत नेहमीच फसवणुक केली आहे. धनगर समाजाचा एस.टी. प्रवर्गामध्ये तात्काळ समावेश करुन धनगर समाजाला एस.टी. ने आरक्षण यावे या मागणीसाठी राज्यातील धनगर समाजाचे युव्हानेतृत्व व  आरक्षणाचे गाढे अभ्यासक गोपीचंद पडळकर व उत्तमराव जानकर यांनी धनगर समाजाला आरक्षण मिठावे यासाठी अखेरचा निर्णायक लढा सुरु केला आहे. संपूर्ण राज्यात जाहिर सभा समाजाचे मेळावे घेऊन समाजाला एकत्रीत करावाचे काम सुरु केले आहे याच पार्श्व भूमीवर नळदुर्ग येथे दि. 20 जानेवारी रोजी तुळजापूर तालुका सकल धनगर समाजाच्या वतीने श्री गोपीचंद पडळकर व उत्तमराव जानकर यांची जाहिर सभा व यांच्याच उपस्थितीत समाजाचा मेळावा आयोजीत करण्यात आला आहे. सभा व मेळाव्याची जण्यत तयारी करण्यात आली आहे. गेली आठ दिवस संपूर्ण तुळजापूर विधानसभा मतदार संघातील गावांना भेटी देवून समाज बांधवांना या सभेस व मेळाव्यास उपस्थित राहण्याचे आवाहन करण्यात आले आहे. त्याच बरोबर या सभेसाठी धराशिव व सोलापूर जिल्हायातूनही धनगर समाज बांधव उपस्थित राहणार आहे हि सभा यशस्वी होण्यासाठी सकल धनगर  समाजाचे तालुका अध्यक्ष पदमाकर घोडके, अरविंद पाटिल (इटकळ) राम जवान (खडकी, किशोर लकडे, सुनिल बनसोड, संजय घोडके, आप्पासाहेब पाटिल, विलास येडगे, ज्ञानेश्वर घेडके, सुहास येडगे अमर भळे संजय पाटिल,दयानंद चौरे यांच्यासह सकल धनगर समाज तुळजापूर तालुक्याचे सर्व पदाधिकारी व कार्यकर्ते परिश्रम घेत आहेत.

(उस्मानाबाद जिल्ह्यासह महाराष्ट्रात लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)