महिलांनी राष्ट्रमाता जिजाऊ यांचा आदर्श डोळयासमोर ठेवून कार्य करावे-आमदार मधुकरराव चव्हाण

महिलांनी राष्ट्रमाता जिजाऊ यांचा आदर्श डोळयासमोर ठेवून कार्य करावे-आमदार मधुकरराव चव्हाण

विविध क्षेत्रात उल्लेखनीय कार्य केलेल्या महिलांचा आमदार मधुकरराव चव्हाण यांच्या हस्ते करण्यात आला सन्मान

तुळजापूर/प्रतिनिधी

मधुकरराव चव्हाण चॅरिटेबल ट्रस्ट अणदूर  यांच्या वतीने  दि 12 रोजी जिजाऊ जयंती व विवेकानंद जयंतीचे औचीत्य साधून तुळजापूरात प्रथमच विविध क्षेत्रात उल्लेखनीय कार्य केलेल्या महिलांचा सत्कार सोहळा पंचायत समिती सभागृह तुळजापूर येेेथे पार पडला.

यावेेळी सत्कार सोहळा आमदार चव्हाण यांच्या हस्ते करण्यात आला तर सोहळयासाठी अध्यक्ष म्हणून महिला काँग्रेस च्या जिल्हाध्यक्ष राजलक्ष्मी गायकवाड या होत्या तर माजी बांधकाम सभापती मुकुंद दादा डोंगरे,मधुकरराव चव्हाण ट्रस्टचे अध्यक्ष सुनिल चव्हाण, काँग्रेस तालुकाध्यक्ष अमर मगर, पंचायत समिती सभापती शिवाजीराव गायकवाड, श्रीमती.सुभ्रदाताई मुळे, नगरसेविका सौ.आरतीताई इंगळे, सौ. शारदाताई भोसले, जि.प.सदस्य प्रकाश चव्हाण, ॲड.अंजली साबळे, युवा नेते बालाजी बंडगर,माजी सरपंच अझहर मुजावर,रणजित इंगळे,लहुजी शक्ती सेनेचे प्रदेक्षाध्यक्ष सोमनाथ कांबळे यांची प्रमुख उपस्थिती होती.

यावेळी बोलताना आमदार चव्हाण म्हणाले की महिला ही सध्या कोणत्याही क्षेत्रात मागे राहिलेल्या नाहीत पुरुषा प्रमाणे सर्व क्षेत्रात अग्रेसर आहेत. आज ट्रस्ट च्या वतीने उल्लेखनीय कार्य केलेल्या महिलांचा सत्कार सोहळा केल्या त्याबददल आयोजकाचे अभिनंदन करतो. महिलांनी राष्ट्रमाता जिजाऊ यांचा आदर्श डोळयासमोर ठेवून कार्य करावे. महिलांनी कुटुंबातील सर्व जबाबदाऱ्या सांभाळून विविध क्षेत्रात केलेले कार्य खरचं कौतुकास्पद आहे. यापुढे महिलांनी कौटुंबिक जबादारी सांभाळून पुरुषाच्या बरोबरीने काम करावे असे मत व्यक्त केले 

 यावेळी काँग्रेसच्या महिला जिल्हाध्यक्षा राजलक्ष्मी गायकवाड, मुकुंद दादा डोंगरे, सभापती शिवाजी गायकवाड यांनी हि आपले विचार मांडले. त्याच बरोबर सत्कार मुर्ती  वासंती मुळे यांच्यासह इतर महिलांनी आपले मनोगत यावेळी व्यक्त केले व कार्यक्रमाचे सुत्रसंचालन भैरवनाथ कानडे यांनी केले तर प्रास्ताविक सभापती शिवाजी गायकवाड व आभार प्रदर्शन अमर मगर यांनी केले.

यावेळी आरोग्य सेविका -7, आशा स्वंयसेविका – 7, महिला शिक्षीका  - 14,  महिला स्वच्छतागृही – 2, महिला डॉक्टर -1, महिला इंजिनीअर -1,महिला सरपंच -3, महिला शेतकरी-1,महिला ग्रामसेवीका-1, महिला अंगणवाडी सेविका -9, शिपाई महिला -1,महिला उदयोजक -1, महिला वकिल -1, महिला समाज सेविका -1, महिला प्राध्यापीका-1 अशा एकूण 51  महिलांचा सन्मान यावेळी करण्यात आला.

यावेळी  सौ.वासंती गजानन मुळे-जाधव,सौ.भारतबाई देवकर, सरपंच नगीनाताई कांबळे, सौ.मोहीनी शेंडगे, श्रीमती.शबाना मुजावर, नगरसेवक सुनिल रोचकरी,सामाजिक कार्यकर्ते अप्पासाहेब शेटे,कल्पनाताई गायकवाड,रणजित इंगळे, माऊली भोसले, सिंदफळ चे युवा नेते बालाजी शिंदे, आबा कापसे ,शहराध्यक्ष भारत कदम, राजाभाऊ शेंडगे, बशीर शेख, सुरेश लंगडे,माजी सरपंच विजय गायकवाड, गोविंद डोंगरे, युवा नेते लखन पेंदे, शाहूराजे रोचकरी यांच्या सह तालुक्यातील महिला व कार्यकर्ते मोठया संख्येने उपस्थित होते.

(उस्मानाबाद जिल्ह्यासह महाराष्ट्रात लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)