उस्मानाबाद जिल्हा काँग्रेस कमिटीतर्फे 24 जानेवारीला नळदुर्ग येथे बुथ कमिटी पदाधिकारी व कार्यकर्ता मेळावा
पदाधिकारी यांनी मेळाव्यासाठी मोठ्या संख्येने उपस्थित रहावे - मुख्य संघटक राजाभाऊ शेरखाने
उस्मानाबाद/प्रतिनिधी
महाराष्ट्र प्रदेश काँग्रेस कमिटीच्या आदेशान्वये उस्मानाबाद जिल्ह्यातील तुळजापूर-उस्मानाबाद विधानसभा मतदारसंघ आणि उमरगा-लोहारा विधानसभा मतदार संघातील बुथ कमिटीचे सर्व पदाधिकारी व कार्यकर्ता यांच्या मेळाव्याचे आयोजन गुरूवार दि. 24 जानेवारी 2019 रोजी सकाळी ठिक 11.00 वाजता नळदुर्ग ता. तुळजापूर येथील बी.के.फॅक्शन हॉल अक्कलकोट रोड येथे नियोजन केलेले आहे.
सदर मेळाव्यास मार्गदर्शन करण्यासाठी अखिल भारतीय काँग्रेस कमिटीचे सरचिटणीस, महाराष्ट्राचे सहप्रभारी संपतकुमार समन्वयक महाराष्ट्राचे उपाध्यक्ष तुकाराम रेंगे पाटील, सरचिटणीस सत्संग मुंढे व जिल्हा प्रभारी टी.पी.मुंढे, सरचिटणीस राजेश राठोडसाहेब हे उपस्थित राहणार आहेत. सदर कार्यक्रमास माजी मंत्री महाराष्ट्राचे जनरल सेक्रेटरी आमदार बसवराज पाटील, माजी मंत्री आमदार मधुकरराव चव्हाण, जिल्हा काँग्रेस कमिटीचे अध्यक्ष आप्पासाहेब पाटील, जि.प.विरोधी पक्ष नेते शरण पाटील उपस्थित राहणार आहेत.
तरी उस्मानाबाद जिल्ह्यातील काँग्रेस कमिटीचे पदाधिकारी, सर्व कार्यकर्ते युवक काँग्रेस, सेवादल काँग्रेस, महिला काँग्रेस, एन.एस.यू.आय, मागासवर्गीय विभाग, अल्पसंख्यांक विभाग सर्व काँग्रेसचे सेल, जि.प.सदस्य, पं.स.सदस्य, न.प.सदस्य, ग्रा.पं. सदस्य, विविध कार्यकारी से.स.सो.सदस्य जिल्ह्यातील सर्व आजी-माजी काँग्रेस पदाधिकारी यांनी वेळेवर उपस्थित राहावे असे आवाहन उस्मानाबाद जिल्हा काँग्रेस कमिटीचे मुख्य संघटक राजाभाऊ शेरखाने यांनी केले आहे
(उस्मानाबाद जिल्ह्यासह महाराष्ट्रात लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)
कोणत्याही टिप्पण्‍या नाहीत:
टिप्पणी पोस्ट करा