आलुर येथील एकता सामाजिक बहुउद्देशीय संस्थेकडून कै. मोहन शिवाजी राठोड यांच्या प्रथम पुण्यतिथी निमित्त सत्तर हजाराची रोख रक्कम मदत म्हणून दिले तसेच समाजपयोगी साहित्याचे वाटप.

आलुर येथील एकता सामाजिक बहुउद्देशीय संस्थेकडून कै. मोहन शिवाजी राठोड यांच्या प्रथम पुण्यतिथी निमित्त सत्तर हजाराची रोख रक्कम मदत म्हणून दिले तसेच  समाजपयोगी साहित्याचे वाटप.

 

उमरगा /चेतन पवार 

उमरगा तालुक्यातील आलुर येथील कै. मोहन शिवाजी राठोड यांच्या प्रथम पुण्यतिथी निमित्त जिल्हा परिषद प्राथमिक लमाण तांडा आलुर येथे गरीब व होतकरू मुलांना फळे, खाऊ, व वह्या पुस्तके वाटप करण्यात आले.

यावेळी कै. मोहन शिवाजी राठोड यांच्या प्रथम पुण्यतिथी निमित्ताने आलुर येथील लमाण तांडा येथे भव्य असा कार्यक्रम आयोजित करण्यात आले होते.आर्थिक परिस्थिती हलाखीचे स्थितीत असलेल्या चांदुबाई शिवाजी राठोड याना एकता बहुउद्देशीय सामाजिक संस्थेकडून आर्थिक मदत सुपूर्द करताना संस्थेचे संस्थापक अध्यक्ष चंद्रकांत (दादा) राठोड, उपसंस्थापक संतोष (भैय्या) पवार आदी मान्यवर उपस्थित होते.या निमित्ताने एकता संस्थापक अध्यक्ष चंद्रकांत (दादा) राठोड व उपसंस्थापक संतोष (भैय्या) पवार यांच्या वतीने एक हजार माणसाचे जेवणाचे नियोजन स्वतःच्या खर्चातून करण्यात आले होते.

घरातील कर्ता मुलाचा अपघाती मृत्यू गेल्या वर्षी झाल्यानंतर हलाखीची स्थितीत जीवन व्यतीत करणाऱ्या आलुर ज्योती तांडा येथील चांदूबाई राठोड याना एकता बहुउद्देशीय सामाजिक संस्थेने सत्तर हजाराची आर्थिक मदत केली. येथील कै. मोहन राठोड यांचे गेल्या वर्षी अपघाती निधन झाले त्यानंतर त्यांच्या आई चांदूबाई राठोड या एकाकी जीवन जगत आहेत.सामाजिक तसेच शैक्षणिक क्षेत्रात मदतीचा हात देणाऱ्या तसेच गोर गरिबांचे मदतीला धावून जाणारे आलुर येथील एकता सामाजिक बहुउद्देशीय संस्था यांच्याकडून कै. मोहन राठोड यांच्या आईना सत्तर हजार रुपये रोख देऊन सहकार्याचा आदर निर्माण केले आहे. याप्रसंगी प्रमुख पाहुणे म्हणून लाभलेले शिवसेनेचे युवा नेते मा.श्री.श्रावण दादा इंगळे, चेतन पवार (पत्रकार) रोहित बिराजदार (पत्रकार) मोहन चव्हाण ,धनराज राठोड ,उमेश चव्हाण ,रमेश चव्हाण ,सतीश पवार ,गोपीनाथ चव्हाण ,अमोल राठोड ,सचिन पवार, दिपक पवार, मोतीराम राठोड, आदी ग्रामस्थ उपस्थित होते. या प्रकारचे मदत करून आपण सर्वजण माझ्या मुलाचे कार्य करत आहात असे भावनावस होऊन चांदूबाई राठोड यांच्या डोळ्यात पाणी आले होते. तुमच्या संस्थेकडून गोर गरीबाचे कामे नेहमी घडत राहवो असे सांगून संस्थेच्या पुढील कार्यास शुभेच्छा दिल्या.

(उस्मानाबाद जिल्ह्यासह महाराष्ट्रात लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)