राष्ट्रवादी काँग्रेसचे जेष्ठ नेतेअशोक जगदाळे यांच्या नेतृत्वाखाली नळदुर्ग महावितरण कार्यालयावर मोर्चा
विजयादशमी सणाच्या पार्श्वभूमीवर रोज नऊ तास भारनियमन होत असलेले बंद करण्याची मागणी
नळदुर्ग /प्रतिनिधी
नळदुर्ग येथे ऐन उत्सवात महावितरण कडून नऊ तास भारनियमन होत असल्यामुळे महावितरणच्या विरोधात राष्ट्रवादी काँग्रेसचे नेते अशोक जगदाळे यांच्या नेतृत्वाखाली बुधवार दि.१० रोजी सायंकाळी भव्य मोर्चा काढण्यात आला. यावेळी नागरिकांनी भारनियमान विरोधात फलक हाती घेतले होते.सध्या विजयादशमी सणाच्या पार्श्वभूमीवर उत्साह असतानाच महावितरणकडून या उत्साहावर पाणी फिलावले जात आहे.महावितरणकडून दररोज नऊ तास भारनियमन करण्यात येत आहे. हे भारनियमन त्वरित बंद करावे व उत्सवाच्या काळात कुठल्या प्रकारचे भारनियमन करू नये या मागणीसाठी राष्ट्रवादीचे नेते अशोक जगदाळे यांच्या नेतृत्वाखाली बुधवार दि.10 रोजी सायंकाळी साडेपाच वाजता येथील महावितरण कार्यालयावर धडक मोर्चा काढण्यात आला. ऐतिहासिक चावडी चौकातून मोर्चास सुरूवात झाली. हा मोर्चा मुख्य बाजारपेठ, शास्ञी चौक, बसस्थानक मार्गे महावितरण कार्यालयात धडकला. यावेळी अनेक तरुणांनी महावितरणचा निषेध व्यक्त करणारे फलक हाती घेतले होते. या मोर्चामध्ये माजी नगराध्यक्ष नितीन कासार, माजी नगरसेवक संजय बताले, नगरसेवक महावीर स्वामी, संजय जाधव, नगरसेवक दयानंद बनसोडे सिराज काझी, शब्बीर कुरेशी, नवल जाधव, यांच्यासह राष्ट्रवादीचे पदाधिकारी कार्यकर्ते व्यापारी व सामान्य नागरिकांनी मोर्चात उत्स्फूर्त सहभाग नोंदविला.
(उस्मानाबाद जिल्ह्यातील लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)
कोणत्याही टिप्पण्या नाहीत:
टिप्पणी पोस्ट करा