महाराष्ट्र राज्य परिवहन महामंडळाचा भोंगळ कारभार विद्यार्थ्यांना पास मिळेना
अधिकाऱ्यांकडून दिली जात आहेत उडवाउडवीची उत्तरे
तामलवाडी/प्रतिनिधी
तामलवाडी ता.तुळजापूर येथील साधारण 100 ते 120 विद्यार्थी सोलापूर येथे उच्च शिक्षण( 11 वी,12 वी डिप्लोमा, पदवी शिक्षणासाठी दररोज सोलापूर ला ये-जा करतात. मराठवाडय़ातील 164 तालुक्यात दुष्काळग्रस्तस्थिती असल्यामुळे त्यांना शिक्षणासाठी मोफत पास देण्याचे सरकारने जाहीर
केले पण तामलवाडीतील विद्यार्थी मुले-मुली नियमित पास सोलापूरने काढत असतात आणि हा मोफत पास आम्ही देऊ शकत नाही असे रा.प.म.सोलापूर सांगतात व मुला-मुलींना पास देत नाहीत..तुमचे गाव मराठवाडय़ातील आहे..तुम्ही तुळजापूर आगाराशी संपर्क करून मोफत पास काढा..काही पालक, विद्यार्थी यांनी आगार व्यवस्थापक रा.प.म.तुळजापूर येथील अधिकारी श्री.दिवटे साहेब, राठोड साहेब, पासविभाग यांच्याशी संपर्क साधला असता ते म्हणतात तुम्ही जेथे काढता तेथेच पास काढा अशा प्रकारची उडवाउडवीची उत्तरे सध्या पालकांना, विद्यार्थ्यांना एस.टी.प्रशासन देत आहे सरकार योजना जाहीर करतय आणि अधिकारी अशी वागणूक देत आहेत दि.19/11/2018 पासून महाविद्यालये चालू झालेली आहेत आणि त्यात हा प्रकार त्यामुळे शेतकऱ्यांच्या,गोर-गरीब,सर्वसामान्य लोकांच्या मुला-मुलींचे शैक्षणिक नुकसान होत आहे आम्ही मार्गदर्शन मागवत आहोत बघू अशी शब्दिक फसवणूक एस.टी.प्रशासन विद्यार्थ्यांना करत आहे याकामी लवकरात लवकर मार्ग निघावा अन्यथा पालक,विद्यार्थी, लोकप्रतिनिधी ग्रामस्थ यांच्यावतीने लोकशाही मार्गाने एस.टी.प्रशासना विरोधी आंदोलन उभे करण्यात येईल अशी भूमिका पालक,विद्यार्थी मांडत आहेत.
(उस्मानाबाद जिल्ह्यासह महाराष्ट्रात लोकप्रिय असलेले साप्ताहिक न्यूज सिक्सर ला बातम्या व जाहिरात देण्यासाठी संपर्क 8087544141,8432860606)
कोणत्याही टिप्पण्‍या नाहीत:
टिप्पणी पोस्ट करा