न्यूज सिक्सर

वनस्पतीशास्त्र विषयाची तुळजापूरात राष्ट्रीय परिषद
तुळजापूर /प्रतिनिधी
विद्यापीठ अनुदान आयोग नवी दिल्ली व यशवंतराव चव्हाण महाविद्यालय तुळजापूर यांच्या संयुक्त विद्यमानाने तुळजापूरात 19 जानेवारी पासून दोन दिवशीय वनस्पतीशास्त्र: जलीय जैवविविधता विषयावर राष्ट्रीय  परिषदेचे आयोजन केले आहे. याचे उदघाटनास तेलंगणा राज्यातील पलामारु विद्यापीठाचे माजी कुलगुरु जी. भाग्यनारायणन यांच्या हस्ते होणार आहे अषी माहिती संयोजक डाॅ. संजय कोरेकर यांनी दिली आहे.
यशवंतराव चव्हाण महाविद्यालयात 19 जानेवारी ते 20 जानेवारी काळात ही  राष्ट्रीय  परिषद होत असून देशातील विविध विद्यापीठाचे 75 संशोधक प्रतिनिधी उपस्थित राहणार आहेत. गेल्या महिनाभरापासून या परिशदेची तयारी होत आहे. तेलंगणा राज्यातील पालामारु विद्यापीठाचे माजी कुलगुरु जी. भाग्यनारायणन यांच्याहस्ते व माजी परिवहनमंत्री आ. मधुकरराव चव्हाण यांच्या अध्यक्षतेखाली उदघाटन संपन्न होत आहे. याप्रसंगी उच्चषिक्षण विभागाचे संचालक डाॅ.डी.आर.माने , माजी वनस्पतीशास्त्र विभाग प्रमुख डाॅ.बाबासाहेब आंबेडकर मराठवाडा विद्यापीठ डाॅ. पी.बी.पापडीवाल, काकाटीया विद्यापीठ प्रोफेसर दिगंबर राव, माजी आमदार नरेंद्र बोरगांवकर, माजी आमदार सिद्रामप्पा आलुरे गुरुजी,  मुंबई महानगरपालिका डाॅ.बी.जी.पवार, बालाघाट शिक्षण संस्था सचिव उल्हास बोरगांवकर, संचालक रामचंद्र आलुरे, तु.भ.महाविद्यालयाचे प्राचार्य डाॅ.जयसिंग देशमुख, प्राचार्य डाॅ.जे.एस.मोहिते यांची उपस्थिती राहणार आहे
दोनदिवशिय  परिशदेत सहभागी होणारे संशोधक सृश्टीतील पाण्याखाली राहणाऱ्या जीवांची विविधता व उपयुक्तता तसेच त्याअनुषंगाने केलेले संशोधनाचे सादरीकरण महाविद्यालयात उभारलेल्या दोन सभागृहात वेगवेगळया ठिकाणी करणार आहेत. मराठवाडयातील पैठणच्या नाथसागर जलाशयातील जैवविविधता डाॅ. पी.बी.पापडीवाल मांडणार आहेत तर काकातीया विद्यापीठाचे प्रोफेसर दिगंबर राव हे पाण्यातील षेवाळ: शाश्वत  उत्पादनाचे साधन हा समाजाला उपयुक्त विषयाची मांडणी करतील. पाण्यापासून होणारे विशाणूजन्य आजार याबाबत डाॅ. व्ही.बी.साखरे आपला शोधनिबंध सादर करणार असून पश्चिम  घाटातील पाण्याची जैवविविधता याअनुषंगाने आपले संशोधन डाॅ. डी.के.गायकवाड मांडणार आहे.
याकाळात 75 शोधनिबंधाचे प्रकाशन मान्यवरांच्या हस्ते होईल,  तर वनस्पतीशास्त्र विषयाच्या अनुषंगाने पोस्टर प्रदर्षनी, विविध विशयावर चर्चासत्र होणार आहेत अशी माहिती संयोजक उपप्राचार्य डाॅ. संजय कोरेकर, समितीचे सचिव डाॅ.जे.एन.राजकोंडा यांनी दिली आहे.